Demantinant le ferent li tirant.
Desarmé l’ont mis sor un alfan.
Feragu l’a seizis par l’açaran :
« Comant ais nom, a la gise Johan ?
— Hestous, biaus frere, e sui cosins jerman
« Rollant, par cui est intré Carleman
« A voloir prandre le regne Asian ;
« Tot a doné jusqu’al chef premiran
« De la Navaire, a fron dou Castellan,
« Al filz Millon, par coroner Audan,
« Le melor home qu’ancor manjast de pan.
« Un des piers sui e d’amors plus proçan,
« E croi avoir grant part de cist terran. »
Dist Feragu o la fere senblance :
« Hestous », feit-il, « di moi, par ta creance,
« En cist presons qe j’ai en ma poissance
« Ay retenuz le niés ou roi de France,
« O est remés derer par negliance ? »
Hestous respont : « Regarde en ta siance :
« Se Rollant fust vencus a brant ni lance,
« Cil mien eschu de roge part e blance
« N’eüst vers toi monstrez desmesurançe :
« Moi e ceschuns avroit feit grant enfançe
« A voloir prendre del son meillor venjance. »
Dist Feragu : « Se Rollant vos sentançe
« A metre vos in la prime bobance,
« N’é da reprendre, car bien a conoissance
- ↑ — 1529 Cil mie — 1531entançe — 1535 couoissance.
— 1509 Demantinat — 1513 iermans — 1514 par cra — 1515 tisian — 1516 premitan — 1520 pieres