« N’en voil mener auchun a cist labor,
« Car l’apostoile me proia por amor
« Che sa masnee, dunt m’a feit condutor,
« Ne amoinase o il aüst desonor.
« Voir je ai bien quatre mil de celor
« Chi por humaje me servent noit e jor :
« De cil n’en pois avoir nule peior ;
« Cil amenrai vers la jent Paienor.
— Niés », dit li roi, « vos parleç dou melor,
« Je vos donrai de ma jeste Francor
« Quatre mil autres chi sunt mei servitor.
— Grant mercié, sire », ce dist le pugneor.
« Rien che soit dite ne meteç an iror. »
Lor les acole le roi por grant douçor,
Pois vunt colçer li grans e li minor.
A triés, a cubes qe Frans orent feit tandre
Se vunt dormir e li grans e li mandre.
Anç che le roi s’alast sor lit a standre
De cele jent che a lui doit atandre
A quatre mil fist ses comant entandre
Ch’avant l’aubor ceschun voit armes prandre
E siguisent Rolant senç nul contandre.
Autreteil fist le duch as ses aprandre,
Pois veit dormir, dunt ne fist a reprandre.
La nuit l’ost garde Henris, li quens de Flandre.
A cele ore che l’auror vien a fandre,
Che Rolant voit venir l’aubor e splandre,
Lor s’arme tost e vait la spee çandre,
- ↑ — 7564 qi frans — 7569 laubort — 7571 a ses a. — 7572 dũc ne — 7573 frandre — 7575 laubre chesplandre — 7576 la spe.
— 7552 desnor — 7555 nul — 7558 de maiste f. — 7561 ne merteç