Page:Anonyme - Macaire, chanson de geste.djvu/217

257—280

25

Macaire.

De çou meesme parole.

« Nains, dist Macaires, se tu vuels bien ovrer,
« Gentil conseil te saurai bien doner, (*)
« Qu’emprès la chambre t’estuet acoveter
« Qu’on ne te puist ne véoir n’esgarder.
« Quant l’emperere si s’en ira lever,
« Por aler s’ore à matines chanter,
« De maintenant et t’en devras lever,
« Devant son lit t’en iras despoiller,
« Lez la roïne te covenra couchier ;
« Ta ies petis, t’iras acoveter.
« Et quant li rois ert arrier repairés
« Et il t’aura ens el lit atrové,
« Ja n’aura il envers toi qu’aïrer.
« De t’adeser li sembleroit viltés ;(*)
« Il en fera et querir et mander.
« Et quant li rois t’en ira apeler,
« Ja li diras, ne te covient doter,
« Que la roïne t’ait fait laiens aler,
« Sovente fois et aler et torner. » (*)
Et dist li nains : « Laissés moi ce penser ;
« Miex le ferai nel sauriés deviser.
« Se m’avenist ancor d’ele vengier,
« Ja maior don ne vuel ne ne requier. »
Et dist Macaires : « Ne t’estuet esmaier ;(*)