Page:Anonyme - Macaire, chanson de geste.djvu/223

331—357

31

Macaire.

« De Blancheflor que tant avoie amé ;
« Que por un nain ele m’a vergoigné.
« Se nel créés, venés, si la verrés. »
Trestos les a en sa chambre menés,
Le nain lor a tot primerain mostré.
Quant cil le voient, moult s’en sont merveillé.
Et la roïne si se vait esveiller,
Les barons voit, n’ot en soi qu’esfraer.
De soi desfendre noient n’en fu parlé.
« Segnor, dit Kalles, quel conseil me donés ? »
Tot primerains Macaires a parlé.
« Bons rois, fait il, ja ne vos ert celé,
« Se n’est bruïe, vos serés vergoignés,
« Et nos o vos en serons tuit blasmé
« De tote gent et devant et derrier. »
Volés oïr dou cuivert renoié ? (*)
Le nain ot il et quis et demandé.
« Hé ! nains, fait il, or me di par verté
« Com osas tu estre çaiens entrés ?
« Com i venis et par quel volenté ? »
Dist li nains : « Sire, par foi, vos le saurés :(*)
« Ja ne seroie en ceste chambre entrés,
« Ni en cel lit ne seroie couchiés,
« Se je n’i fusse mandés et apelés
« Por la roïne faire sa volenté,
« Et une fois et bien quarante et set. »
Si dist li nains com li ot ordené