Mais de qui de Magençe no le fo un clamés.
« Segnor, dist l’abes, e voio qe vu saçés,
« Quant à la mort l’omo est aprosmés,
« Di so peçé nesun oit çelés
« Qe ni on die tot la verités.
« La raina est avec moi confesés ;
« Toti li so peçé m’a dito e palentés,
« Si ço trois ben ço qu’ela oit ovrés,
« Ela poit estre de tel colsa calonçés
« Qe ja mais por le non fo dito ni pensés.
« E de un altra ren m’oit apalentés
« Qe inçinta estoit de filz e d’arités.
« Unde, çentil rois, guarda que vu façés ;
« De le oncir seroit maior peçés
« Que non oit cil qe Deo oit acusés,
« Donde elo fo sor la cros encloés. »
N. l’oldi, si l’entendi asés.
A le parole qe l’abes oit contés,
El conoit tota la verités,
E de cella colsa qe la dama e calonçés
E calonçea à torto et à peçés.
« Enperer sire, dist N. de Baiver,
« Se vos volés à mon conseil ovrer,
