« Que cil Macaires, quant ce vint au jugier,
« D’ele ne sot nule raison mostrer
« Se l’ot laissie en bois o en rivier. »
Dist l’emperere : « Et si vueil l’otrier
« Que li mes doie et dire et desrainier. »
Naimes parole, qui pas ne fu vilains :
« Entendés moi, gentis rois soverains.
« De la roïne ci auroit moult grans dans
« Que morte soit à tort, vilainement,
« Por cel malvais traïtor soduiant.
« Cil le confonde liquiex forma Adan !
« Ja ne fu mais uns si pesmes tirans.
« Vos estes rois trosqu’en Jerusalan, (*)
« Et sor tos rois si estes soverains ;
« A celui roi qu’est li vostres parens
« Vos covient dire que n’en savés noient
« Puis que de vos parti par jugement.
« Dont li traïtre en soffri tel torment
« Que pris en fu et ars en feu ardent
« Contre voloir d’amis et de parens. »
Dist l’emperere : « Hom de conseil plus grant (*)
« Ne se trovast trosqu’en Jerusalan.
