Page:Anonyme - Macaire, chanson de geste.djvu/364

La bibliothèque libre.
Le texte de cette page a été corrigé et est conforme au fac-similé.
172
2040—2066
Macaire.

« Qe vos ont fato cotante mespeson.
« Se l’inperer n’asalt, nu si defenderon ;
« El a li droito, e nu torto avon.
« Deo ne conseili qe sofri passion,
« Qe no li so dire altra rason. »
Or lasaren de l’inperer K.
E de Bernardo e de le dux N. ;
De l’inperer nu si ve contaron
Qe sir estoit de Costantinople entorno e inviron.
De soa filla q’el n’oit estoit en grant fricon ;
S’el no la vençe, no s’apresia un boton.
E quando ela li conte soa menespreson,
Si grant oit li dol par poi d’ire non fon.
Elo apelle ses conti, e ses baron.
« Segnur, fait il, oés qe mespreson
« M’avoit fato l’inperaor K.
« De mia file da la cler façon.
« Sbanoie la oit cun se fait li laron,
« Sor le oit atrové blaximo e cason ;
« Se no m’en venço, no varo un boton.
« Concelés moi coment nu la faron. »
Le primeran qe parle oit nome Floriamon,
E cil fu sajes e de bona rason.
Elo parole, non senblo à bricon :
« Droit enperer, por qe vos çeleron ?
« Grand e toa tera e grande reençon
« E toa çent sont de grant renon ;