Le texte de cette page a été corrigé et est conforme au fac-similé.
2113—2131
179
Macaire.
Coment li mesagier saluerent le Roi.
Or à Paris sont li baron venu ;
Al palais montent quant sojor ont éu.
Trovent le roi dolent et irascu
Por sa moillier que il avoit perdu,
Qui à grant tort encorpée li fu.
Li mesagier ne sont mie esperdu ;
Devant Kallon quant furent parvenu,
Il le saluent en nom dou roi Jesu :
« Cil Damediex qui tant a de vertu (*)
« Il saut le roi, et lui et tos ses drus ! (*)
— Bien viegnés vos, li rois a respondu,
« D’ont estes vos et de quel part venu ? »
Et cil li dient : « De vostre ami et dru,
« C’est l’emperere qui tant a de vertu,
« Costantinobles à cui rent le tréu,
« Si li soploient li grant et li menu. »
Dist l’emperere : « Bien soiés vos venu ! »
Coment li mesagier parlerent a Kallon.
« Sire emperere, dient li mesagier,
« Par nos vos mande noz emperere ber
