Le texte de cette page a été corrigé et est conforme au fac-similé.
210
2477—2492
Macaire.
Coment l’Iperere parloit a sa fille.
« Filla, dist li rois, ne me oblia mie
« Quant li rois de France oit fato tel stoltie
« Qe vos oit caçé per la landa hermie
« Como vos fustes esté una soa amie.
« No le poso oblier tot li tenpo de ma vie. »
Dist la dama : « Nen lairo nen vos die,
« Pere, fait ela, elo non sa ne mie
« Qe eo soia in la vestra bailie ;
« Se lol saust, forsi seroit repentie
« De ço qu’elo m’aust fato en sa vie
« Si vos clamaroit perdon e mercie. »
Dist li rois : « Questo non voie mie,
« Se primament no me son vençie. »
E la dama l’olde, no sa q’ela se die.
Coment Varocher meinoit dos civals alli Rois.
Endementir cun tenent la tençon,
Atant vene Varocher sovra un aragon
