Le texte de cette page a été corrigé et est conforme au fac-similé.
2477—2492
211
Macaire.
Coment l’Emperere parloit a sa fille.
Dist li rois : « Fille, oblier ne puis mie
« Li rois de France vos fist tel estoutie
« Que vos chaça parmi la lande ermie
« Com s’éussiés esté une s’amie. (*)
« M’en sovenra tot le tens de ma vie. »
Et dist la dame : « Ne lairai ne vos die,
« Peres, fait ele, mes sire ne set mie
« Que je soie or en la vostre baillie ;
« Se le séust, ja tenroit à folie
« Ce que vers moi a mesfait en sa vie
« Si vos querroit li pardoner vostre ire. » (*)
Et dist li rois : « Ce ne consent je mie
« Se tot premier n’en ai vengance prise. » (*)
Ot le la dame, ne set que ele en die.
Coment Varochers menoit dous chevals au Roi.
Endementiers com menent la tençon,
Es vos ù vient Varochers de randon
