Le aste e grose e li fer trençant en fu,
Anbi li baron sonto de gran vertu.
E si gran força i le ont metu
Qe inçenoclé son le çivali anbidu.
E qi le pinse ben qe ont gran vertu,
Si qe le aste son in tronçon caü.
Oltra s’en pase li bon çival crenu ;
Ne l’un ni l’autre no li a ren perdu.
Le çivaler si son pro e valant ;
Oltra l’inporte anbes li auferant,
Ne l’un por l’autre ne se ploia niant.
Li destrer torne, çascun trait li brant
L’un dever l’autre, à guise d’olifant.
Ma Varocher se trait plus avant
E fer Oger desor l’eume lusant ;
Gran colpo li done, ma no l’inpena niant,
Qe Damenedé li estoit en guarant.
La spée torne sor la tarça davant,
Toto ne trença quant ela ne prant,
E de l’aubergo la gironée davant.
« Santa Marie, dist Oçer li valant,
