avoyt passé du rire aux larmes. Il n’y ha que dans ces maisons emputanées où se fasse ainsy l’amour à coups de dague, et où s’esmeuvent des tempestes ioyeulses entre quatre murs ; mais ce sont chouses que n’entendent point les dames à haults collets. Ledict capitaine Cochegrue feut guay comme ung cent d’escholiers au desiucher de la classe, et feit bien boire son bon cousin, lequel avaloyt tout rusticquement, et trencha de l’homme ivre, en débagoulant mille sornettes : comme quoy, demain il achepteroyt Paris ; presteroyt cent mille escuz au Roy ; pourroyt fianter dans l’or ; enfin, dit tant de bourdes, que le capitaine, redoubtant quelques fascheux adveux, et l’estimant bien desfoncé de cervelle, l’emmena dehors, en bonne intention, lors du partaige, d’entamer Chiquon, pour veoir s’il n’avoyt point une esponge dans l’estomach, pour ce qu’il venoyt de humer ung grantissime quartaud de bon vin de Suresne. Ils allèrent devisant de mille chouses théologicques qui s’embrouilloyent trez fort, et finèrent par se couler d’ung pied muet iuz au mur du iardin où estoyent les escuz du lombard. Ledict Cochegrue, se faisant un planchier des larges espaules de Chiquon, saulta sur le poirier, en homme expert ez assaults des villes ; mais Versoris, qui le guettoyt, luy feit une entaille à la nuque et la réitéra si durement, que, en trois coups, le chief dudict Cochegrue tomba, non sans qu’il eust entendu la voix claire du bergier, qui luy crioyt : Ramasse ta teste, mon amy !
La-dessus, le généreux Chiquon, en qui la vertu recevoyt sa récompense, cuyda qu’il seroyt saige de retourner au logiz du bon chanoine, dont l’héritaige estoyt, par la graace de Dieu, méthodicquement simplifié. Doncques, il gaigna la rue Sainct-Pierre-aux-Bœufs à grant renfort de pieds, et bientost dormit comme ung nouveau-né, ne saichant plus ce que vouloyt dire le mot cousin-germain. Ores, le lendemain, il se leva, suyvant la coustume des bergiers, avecques le soleil, et vint en la chambre de son oncle pour s’enquérir s’il crachoyt blanc, s’il toussoyt, s’il avoyt eu bon sommeil ; mais la vieille meschinarde lui dict que le chanoine, entendant sonner les matines de Sainct-Maurice, pre-
