part a son nouvel avenement a la couronne)[1], sur une estroitte ligue et conjonction de ces deux couronnes contre celle d’Espaigne, en cas qu’elle voulut continuer ses ordinaires progres. Mais ces sages princes, tous deux venus de loin a de sy grandes successions, songeoint plustost aux moyens de les bien regir et conserver, que de les accroitre par des moyens non moins prejudiciables a la chretienté qu’a leurs particuliers estats, et se lierent ensemble d’une estroitte amitié sans passer les termes, ou contrevenir a la paix que le roy avoit avec Espaigne, et que celuy d’Angleterre contracta peu de temps apres.
Mais il arriva en suitte que Mr le duc de Savoye, brave et gentil prince, et impatient de paix et de repos, ne se peut longuement contenir oysif apres la paix que luy avoit donnée le roy au commencement de l’année 1601 ; et ce prince remply de grands desirs, quy avoit ce malheur d’estre situé entre deux voysins plus puissans que luy, ne pouvant longuement se contenir en un estat tranquille, animoit toujours l’un ou l’autre d’entrer en guerre, et s’offrit a celuy quy voudroit estre agresseur. Mais comme le roy Philippe IIIe[2] fut un prince addonné a la paix, il ne trouva pas son compte avesques luy : joint qu’il estoit
- ↑ Jacques Ier monta sur le trône d’Ang1eterre le 3 avril 1603. L’ambassade de Sully eut lieu au mois de juin de la même année. Le traité entre l’Angleterre et l’Espagne fut signé en 1604. — Voir les Mémoires de Sully, liv. XIV et suiv.
- ↑ Philippe III, roi d’Espagne, fils de Philippe II et d’Anne-Marie d’Autriche, sa quatrième femme, était monté sur le trône en 1598.
