Le jeudy 29me je vins disner a l’Escurial ou je vis tout cet admirable edifice et les choses rares quy y sont.
Ce jour là on fit a Madrid conseillers au conseil d’Estat le duc de Monteleon, don Diego d’Ivarra, le marquis d’Ayetona et le marquis de Montesclaros.
Le vendredy 30me je partis de l’Escurial, vins disner au Pardo, maison de plaisance du roy[1], et fus coucher a Alcovendas.
Ce jour là le duc d’Ossune se gourma avesques don Louis de Godoy quy avoit charge de le garder dans l’Alameda.
May. — Le samedy premier jour de may, je fis mon entrée en dueil a Madrid pour venir faire l’ambassade de condoleance. Apres disner j’allay au Sottillo[2] ou tous les cavaliers et dames de Madrid s’allerent promener.
Le dimanche 2me on haussa le pendon[3] a Madrid pour reconnestre le nouveau roy : don Rodrigo de Cardenas le porta.
Le lundy 3me j’eus ma premiere audience pour plaindre la mort du feu roy. Apres disner on fit le service du feu roy [en grande ceremonie][4] a Saint Geronimo.
Le mardy 4me on fit les honneurs du feu roy au