LA EBLLE MAGUELONNE.
Et Pierre luy disoit qu'elle et sa beauté luy avoient fait faire les vaillances qu'il avoit faites et que d'elle venoient tous les honneurs et non pas de luy.
Quant ils eurent assez parlé, Pierre pour essayer 5 et sentir Maguelonne. luy va dire: „Noble Maguelonne, ma chère et douce amour, vous savez que j'ay esté longtemps en cestuy vostre pays. Et a grant temps que pour occasion de vous n'ay point vu mon père ne ma mère. Pourquoy, ma très chère dame, ainsi comme
10 vous estes occasion de mon partement, qu'il vous plaise d'estre contente de mon retour et qu'il vous plaise de * vostre bénignité me donner congé de les aller voir, car je suis seur qu'ils sont en grant douleur pour moy et j'en fais grant conscience. Tout cecy
15 disoit Pierre pour voir la contenance de Maguelonne.
Et quant Maguelonne eut entendu les paroles de
Pierre incontinent les larmes luy commencèrent a
couler par sa douce face. Et lors sa vive couleur
devint pale et en souspirant et plourant dit: „ Certes,
20 mon amy Pierre, cecy que vous m'avez dit est deue chose et raisonnable, car humaine chose est que le fils soit sujet au père et a la mère et qu'il se garde de leur desplaire en toutes manières. Mais forte est la chose qu'il me semble que vous veuillez départir
25 de vostre leale amie, laquelle sans vous ne peut avoir bien ne repos en cestuy monde. Et je vous asseure que si vous partez de moy, qu'en bref temps vous
��^•140'. ^,
�� �
