LA BELLE MAGUELONNE.
Et alors, quant la douce Maguelonne entendit la noble volenté de Pierre et son noble propos fut moult joj'euse et dit: „Mon gentil seigneur et mon doux amy, mais qu'il soit ainsi comme vous dites,
5 sans faulte je conseille et suis contente *que nous en allons le plus tost et le plus secrètement que nous pourrons. Et cecy pour deux raisons. La première car i'ay grant doubte que vous vous ennuyez de demeurer icy et d'attendre si longuement, et ay paour
10 que en la iin vous prendrez desplaisir et vous en irez et me laisserez. L'autre est qu'il est vray, et ne le vous avoie voulu dire pour ne vous donner point mel encolle, que mon père cherche pour me marier, et say qu'il me fera plustost mourir que jamais
15 me face a autre mariage consentir. Et pour ce, mon desii', je vous prie, que vous y donnez remède le plus bref que vous pourrez et que nous partons. Car icy ne pourrions jamais accomplir nostre désir. Et certes, j'ay mis en mon cueur que jamais ne vous laisseray.
20 Et ainsi vous m'avez dit que vous me garderez toute honnesteté jusques a nostre mariage".
Et Pierre sur les saintes Evangiles autrefois luy promit et luy jura. Et allèrent entreprendre que le tiers jour après le premier sommeil devoit estre leur
25 partement. Et Pierre devoit estre tout prest et devoit venir avec les chevaux a la petite porte du jardin, et Maguelonne le devoit illec attendre. Mais Mague-
��f. 141\
48
�� �
