LA BELLE MAGUELONNE.
besoin d'estre confortée que la contesse. Toutesfois la contesse se tenoit fort pour payée des bonnes pa- roles que luy avoit dit l'ospitaliere. Et luy pria qu^elle l'allast *voir souvent pour luy donner allégeance,
5 car grant plaisir avoit pris a ses paroles. Et que toutes les choses qui luy feroient besoin, qu'elle les mandast quérir a l'ostel du conte, et luy pria qu'elle voulsist prier monseigneur saint Pierre qu'il luy voul- sist mander quelques bonnes nouvelles de son fils.
10 Et tout ce luy promist Maguelonne, et qu'elle le feroit de bon cueur a son plaisir. Et par ainsi le conte et la contesse s'en allèrent en leur hostel. Et Maguelonne demoura en l'ospital , ou servoit les povres malades pour l'honneur de dieu et de monseigneur
15 saint Pierre avec grans oraisons et pénitences que faisoit, affin que nostre seigneur la consolast de son doux amy Pierre.
COMMENT LES PESCHEUHS PRESENTERENT AU CONTE ET A LA CONTESSE UN MERVEILLEUX 20 ET GRANT POISSON, ET COMMENT ON TROUVA DEDANS LE VENTRE DUDIT POISSON LES AN- NEAUX DE MAGUELONNE.
Avint un jour que les pescheurs peschant en la mer
d'icelle contrée prirent un merveilleux et grant poisson
25 et pour la beauté de luy le vont mander au conte *et
a la contesse lesquels remercièrent moult les pescheurs.
��f. 154. * f.l54^
�� �
