eust faict telles annotations[1] *. Mais apres qu’il eut faict imprimer ses Amours[2], et les quatre livres des Odes[3] *, à ceste naissante gloire de Ronsard s’opposa[4] un gros escadron de petits rimeurs de Court, qui pour faire une Balade, un Chant Royal[5], ou un Rondeau avec le refrain mal à propos, pensoient avoir seuls merité tous les Lauriers d’Apollon *. Le chef[6] de ceste bande, pource qu’il sçavoit quelque chose plus que les autres, et avoit acquis[7] beaucoup de credit envers les grans, et principalement aupres du Roy, osa bien se decouvrir : et[8] plus tost meu du cry de ces grenouilles courtisanes que de jugement[9], pensoit troubler l’eauë[10] Pegasine à cet Apollon nouveau, quand de mauvais cœur en plaine assemblée il blama au Roy[11] les œuvres de Ronsard *. Mais quoy ? un grand[12] Poëte comme cestuy-cy ne devoit pas avoir moins de Zoïles[13] qu’Homere et Virgile, puis qu’il devoit succeder à pareille loüange. Il a touché[14] luy-mesmes ceste querelle en l’Hymne triomphal qu’il fit[15] apres la mort de Madame Marguerite, Royne de Navarre, imprimé avec ses autres Epitaphes *, faicts par les trois sœurs Angloises, où se lisoit autrefois sur la fin :
Ecarte loin de mon chef
Tout malheur et tout meschef.
Preserve moi d’infamie
De toute langue ennemie, | [14]
Et de tout acte malin,
Et fay que devant mon Prince
Desormais plus ne me pince
La tenaille de Melin *.
Mais en faveur de S. Gelais[16] qui rechercha depuis son amitié, il
- ↑ BC suppriment toute cette phrase depuis encor que du Bellay
- ↑ A ses amours
- ↑ C fait voir le jour à ses Amours, et à quatres (sic) livres d’Odes
- ↑ A Ronsard, s’opposa
- ↑ C qui pour avoir fait un petit Sonet petrarquisé, un Dizain
- ↑ A d’Apollon : le chef
- ↑ B pource qu’il sçavoit plus que les autres, et avoit acquis | C Le chef de ceste bande fut Melin ou Melusin Gentil-homme de la maison de Sainct Gelais, issu de celle de Lusignan en Poictou, tant celebre par les incroyables merveilles de la Fée Melusine, qui pour sçavoir plus que les autres, et avoir acquis
- ↑ A se decouvrir, et
- ↑ B que de son jugement | C que de son propre jugement
- ↑ A leauë | C l’eau
- ↑ B en pleine assemblée il calomnia devant le Roy | C en pleine assemblée devant le Roy il calomnia
- ↑ A Mais quoy, un grant | C Mais quoy, un grand
- ↑ B de Zoïles et de Cabiles | C de Zoïles et de Carbiles
- ↑ A loüange : il a touché
- ↑ C en l’Hynne qu’il fit
- ↑ C Saint Gelais
