Le texte de cette page a été corrigé et est conforme au fac-similé.
45
donnās le navire naufragé ſe disans les uns les autres les adieux, comme ſe diſent ceux qui vont a une bataille, leſquels incertains de leur retour, ſe recommandent chacun a leurs compagnons. Ces Cageux desbordez dudit navire & a la mer, ſont conduits comme il pleut a Dieu par les vẽts & la mer, qui de bonne fortune pour eux batoit a terre. Car autrement il eſtoit impoſſible de s'empeſcher de perir a la mer, d'autant qu'ils n'avoient cables, ne ancres, ne voiles dont ils ſe peuſſent aider, demeurants ainſi conduits par les vents & la mer, vingt quatre heures battus de la mer qui a tous coups paſſoit par deſſus
