Mais il n’a tant riche home en la crestienté
Que s’il mal vos faisoit, ne m’en deüst peser. »[1]
Es vos Rollant poignant, et prist à escrier :[2]
- ↑ 12060 A Ce il vous fasoit mal, que je n’an fusse iriez.
- ↑ 12061-12070 A Atant e-vous Rolans qui les a escriez : Regnaut, li fiz Aymon, or aves trop alé. Par mon chief, dit Ogiers, vous ne le toicherez. Par foi, ce dit Rollans, mal garanz li serez.
Texte de M.
Sauver devon Renaut, nous l’avon amenés.
Ne sai, chen a dist Kalles, com vous li aideres.
Quant Ogier et Naymon ont chez mos escoutez,
Tost et isnelement en sunt en piez levés.
A Kallm. a dit oiant tout li barnez :
Nous vous rendon l’ommage que vous avons portés.
A icheste parole, sont ariere tournez
Et ont oï lez contez qui se sunt escriez,
Rollant et Olivier qui ont Re. trouvez,
Quant Ogier l’entendi, à poi n’est forsenez.
Ahi ! Naimez, dist il, Renaut traï avez.
Lors s’en viennent poignant devers l’arbre ramés.
Roll. et Ol. ont Renaut escriés,
Si forment l’ont souspris que il ne pot monter.
Traï m’avez, Estout, chen dist Renaus le ber.
Sire, chen dist Estout, vous ditez verités,
Mez ja ne vous faudroi tant c’on puisse durer.
Olivier, dist Renaus, or tous doit remembrer
Du bau don que vous fis dessous Dordonne es pres,
Quant m’alastez gaitier à .ii.c. ferarmez
Et Maugis vous ot jus du cheval graventez.
Vo cheval vous rendi volentiers et de grés.
Sire, dist Oliviers, par la foi que doi Dé,
Dolent et courouchié sui que vous ai trouvez.
Atant es vous Rollant qui li a escriez :
Renaut, le fix Aymon, or aves trop alés.
Par mon chief, dist Ogiers, ja n’i iert adesés.
Entre moi et Naymon, l’avon chi amenez.
Par foi, chen dist Rollans, mal garant li seres.Texte de P.Ogiers issi du tref, et saute en son destrier,
Et Naimes de Baiviere qui tant fist à prisier,
Et ont dit à Charlon sanz nul autre [plaidier],
Rois, car vos porpensez com vodrez esploitier
L’omage vos rendrons dont somes vo princier
