Page:Castets - La Chanson des quatre fils Aymon, 1909.djvu/906

878

les quatre fils aymon

Lors commence à plorer issi piteusement
17925Q’il ne deïst .i. mot por or ne por argent.
Et Renaus s’en parti et son voage prent.^[1]
Li portiers lo regarde et son pooir i tent,
Et quant il [l’]a perdu, a terre chiet briement,^[2]
Durement se pasma et à terre s’estent.
17930Quant il fu revenus, si cria hautement :
« Ha Dex ! ò va mes sires issi tres povrement ? »

Dolans fu li portier, mais molt se dolosa.^[3]
Quant ploré ot grant piece et puis [il] retorna,^[4]
Puis clot la porte arriere et lo guichet ferma.^[5]
17935Là desus en sa loge par les degres monta,
Entre lui et la lune son anel regarda.
Il lo mist en ses paumes et si lo sopesa ;^[6]
Quant lo santi pesant, durement [assena] ;^[7]
De la joie qu’il ot, molt se reconforta.
17940Et Renaus fu defors qui son chemin erra.
Par ces voies covertes à esploit s’en ala,
Embrunchié sous sa chape ; ains lo chief ne leva.^[8]

Or s’en ala Renaus, si laissa son ostel,^[9]
Ses freres [et ses fils] et maint autre do[n]zel,^[10]
17945Cui Diex dona loier qui fu et grant et bel.
Donc se leva Yvons, li gentils damoissel,
Et si oncle avec lui, vestu sont de novel.
Don vont à la chapele, si passent lo prael,
Quant n’i voient Renaut, si plorent li donzel.^[11]

1. 17926 A voiage. B voiage emprent.
2. 17928 L il a. A Et quant il non vit mais. B Et quant il s’aperchut (non-sens).
3. 17932 B moult se pardoulousa.
4. 17933 L manque une syllabe. B arriere retorna.
5. 17934 A Puis recloï la porte et à clef la ferma. B Puis a close la porte.
6. 17937 A B en sa main. Tous ces détails sont d’une vérité qui n’est pas seulement naïve. L’édition populaire a gauchement abrégé.
7. 17938 L asseana. B à son cuer joie en a. A Regnaut en mercia.
8. 17942 L o sous sa. B Embronchiez sous sa cape, ains les en ne drecha.
9. 17943 A chastel.
10. 17944 L Et ses freres avec lui... dozel. A Ses freres et ses fiz qui sont biaz damoisel. B Ses freres et ses fiex et... danzel.
11. 17949 A ne lor fu mie bel.