Iluec ot assanlé moult riche baronnie.
Li roys en appela Guinemer et Helye.
Ales tost, dist li roys, a la chartre enermie,
Si amenes Alart a la chiere hardie,
Et Guichart et Richart : anqui perdront les viez.
Volentiers, biaus douz sire, cascuns d’aus li escrie.
A le chartre s’en viennent, si l’ont desverellie ;
Les barons quident prendre maiz il nes trouvent mie.
Avois, dist l’un a l’autre, par le cors .S. Elye,
Chil se sont escapé, nous perderons les vies.
En fuie sont tourné, s’ont lor voie aqueillie,
Ja mais devant le roy ne revenront il mie.
[Et quant li rois le set, durement s’engramie.
en jura sa teste et se barbe florie,
Jamez ne sera liez a tres toute sa vie,][1]
Si aura des barons vraie novele oïe.
Atant es vous .I. mes sor .I. mul de Surie,
Et vient devant le roy, qui ne se targa mie.
Sire, dist li messagez, voles que je vous die[2] ?
Jou ai de vos prisons vraie novele oïe.
Renaus est en Ardane en la forest antie
Et Alars et Guichars a riche baronnie.
La ont fait .I. castel en la roche naïe,
Onques ne fu si fors, ne de tel seigneurie.
Est che voir, dit le roys, par Diu le fil Marie ?
Oïl, che dist li mes, par ma barbe florie.
Chertez, dist l’empererez, il n’i demourront mie !
Ja nes garra castiaus que ne perdent la vie.
Karllez vait à Loon la fort chité garnie.
Si mande ses barons que li fachent aïe.
Aler veut en Ardane, ou soit sens ou folie,
Et destruire Renaut et toute sa maisnie.
Et li baron i vienent qui nus nesun decrie.
VI. Le manuscrit H 247 de la Bibliothèque de la Faculté de Médecine de Montpellier est un gros in-folio de 225 feuillets,
