Page:Castets - La Chanson des quatre fils Aymon, 1909.djvu/226

La bibliothèque libre.
Cette page a été validée par deux contributeurs.
214
les quatre fils aymon

F° 82, recto A. — Richier et Renaud le voient partir avec peine. Il s’embarque, prend terre à Brandes et charge les « marronniers » de saluer le roi de sa part. Ils repartent pour Acre.

F° 82, ro B.Et Maugis s’en ala tant sa voye esploitier.
Jusqu’il vint en Ardenne ne se voult arrester.
Par dedens la forest s’ala le ber bouter,
Droit a son hermitage le fist Dieux assener.
5De Bayart dessendi, si l’ala attachier ;
A un arbre rammé le vout Maugis lier.
Sa maison trouva chute, si la voult relever,
Et puis queroit vitaille pour son cheval donner,
Mais il demoura trop, si com orres conter.
10.Baiart tira si fort qu’il fist son frain tronchier,
Que la bloucques ronpi, si print a cheminer.
Ilec laissa son frain, puis s’en voulu aller,
Et quant Maugis revint qui ot voulu cueiller
Un fays d’erbe moult grant pour Baiart enfourer,
15.Quant il voit le chanfrain, en lui n’ot qu’aïrer.
Baiart, ce dist Maugis, or puis bien aviser,
Cure n’avez de moy qui me voules laissier.
Vous querez mellieur maistre, ne vous en doy blamer
Cas de povre serviche (nulx) ne se puet amender.
20.Ensi disoit Maugis au courage enterin,
Pour l’amour de Baiart tenoit le chief enclin,
Et Baiart s’en aloit sans tenir nul chemin.
A la roche en Ardenne, delez ung soubterin
La avoit son repaire au soir et au matin.
25.Encor en ramenbrance du cheval noble et fin
L’ont en celui païs marchant et pelerin,
Car la Roche Baiart l’appellent li voisin.
La fu Baiart long temps desoubz le bois sappin,
Puis vient il a Tremongnie ou palais marberin
30.Veoir le duc Regnault qu’il amma sans trahy[n.
Dont Regnault le retient, s’en esmut tel hutin
Que Karle en deffia Regnault le palasin
Et le voult encoupper adonc de larechin