Baron, dist l’empereres, ja ne sera finez.
A .XL. deablez soit sez cors commandez.
Renaus li fiex Aimon estoit de dœl pasmez,
[Mes Charles l’emperere l’avoit cueilli en hé[1].]
Or oiez de Baiart quel part il est alez.
En la forest s’en va, el parfont gaut ramé ;
La trouva il Maugis qui est deffigurez.
Grant joie li a faite li chevaus adurez.
Iluec fu aveuc lui, moult y a conversé.
Quant Maugis l’a veü, grant joie a demené.
Or vous lairons de lui, a Diu soit commandez.
Et quant liex en sera, tost arai retourné.
Encor orrez merveillez, se il vous est conté.
Quoi qu’en ait supposé Paulin Paris, (Hist litt. XXII, p. 705), ce n’est pas du côté de Tremogne, mais bien dans la forêt des Ardennes que Bayard, à toutes les époques de la légende, reparaît et fait entendre son fier hennissement.
On revient à Renaud qui est à Acre auprès du roi Richier. Renaud demande une faveur au roi qui promet de la lui accorder :
Sire, ce dist Regnault, ce fait a mercier.
Or vous veulx, s’il vous plaist, et prier et rouver
Que vos heraux fassies par vo païs aler
Et par les bonnes villes qu’aves a gouverner,
Et aux chastiaus entour et nonchier et crier
Un bonhourt bel et noble que feres estorer
En Acre la cité que avez a garder,
Encontre tous venans qui y voudront jouster ;
Et [si] faites aussi au cry le pris nommer,
Cilz qui mielz joustera, qu’on li fera donner
Un cheval de cent livres pour son pris amonter
Et pour l’estreinée un chapel d’argent cler,
Et le faites ainssy, se me voulez ammer.
Par ma foy, dit le roy, ne le veulz refuser.
F° 82, verso B. — On annonce le tournois dans toutes les villes voisines.
Les joustez ont criez et le pris de valour.
- ↑ Sic C, manque à B.
