Page:Castets - La Chanson des quatre fils Aymon, 1909.djvu/313

La bibliothèque libre.
Cette page a été validée par deux contributeurs.
301
les quatre fils aymon

875Je nel lairoie pas par Paris ma cité
Que ne voise sor lui à cest premier esté,
Et Dex me laist vengier selonc ma volenté. »
Dont regarde son fil qui le vis ot mué[1] ;
Doucement le baissast, se ne fust trestorné,
880Mais Naymes de Baiviere et li quens Othoé,[2]
Aimery de Nerbone et Bernart l’aduré :[3]
« Sire, font il au roi, merci por amor Dé.
Car vos reconfortes, si feres grant bonté.
Ja iestes vos, bons rois, de grande poesté ;
885Bien vos poes vengier de Buevon l’aduré ;
La mort de vostre fil sera chier comparé.
Abates Aigremont le chastel honoré,
Dus Bueves soit pendus com traïtres prové.
Se je vos ai bien dit, or soies apensé,
890Ne soies mie dame[4] qui ait grant duel mené. »
Comme Charles l’entent[5], si lor en sot bon gré.
« [Baron, dist Charlemaignes, bien sui asseüré].[6]
Or gardes que li cors, fait il, soit enterré. »
Et il si fu tantost et en terre bouté.
895Donc s’en parti li rois de Saint Germain el pré,
Et rentra en Paris en son palais pavé.
Adonc fu en la sale tantost li deus levé ;
De toutes pars i ont le cri adonc levé ;
Tant chevel i ot trait et tant drap depané.
900[.viii.][7] jors trestous entiers avoit l’i deus duré,
Que n’i ot son ne joie ne deduit demené.[8]
Quant vint au nueme jor, s’est Charles porpensé
De la mort de son fil, dont il est adolé,

  1. 878 BC dont l’espirs (B espir) est alé.
  2. 880 B et Tierris l’ordenés. C et Tieris l’aduré. C’est sans doute Thierry l’Ardennais.
  3. 881 BC n’ont pas ce vers que B remplace par : L’ont resachié arriere et si l’ont conforté.
  4. 890 B femme. C fame.
  5. 891 BC l’oï.
  6. 892 Sic BC, manque à L.
  7. 900 L .vii. C .viii. B .x.
  8. 901 B ne giu ne baudor demené. C Que n’i ont son neveu (sic) ne nul cant.