L’ossemente et la poudre traveillier et pener. »
Dont commence dus Aymes por ses fils à plorer.
Les mors qui el chanp ierent, fist trestos enterrer,
[Les navrés et les sains sor les chevaus monter] ;
Hermenfroi, le dru Charle, n’i vost mie oblier.
Desor une litiere le fist bien conreer ;
Sor .ii. mules l’a fait par devant lui porter,
Et a cueilli son oirre, si a pris à errer.
Enfreci qu’à Dordone ne se vost arester ;
Une nuit i sejorne por le cors reposser.
Au matin, parson l’aube, le fist Aymes lever.
Isnellement a fait ses homes conreer,
A la biere comende .ii. mules asteler.
A la voie se mettent, n’i volrent arester ;
Les terres et les plains commencent à passer,
Entreci k’à Paris ne volrent arester.
Aymes s’en vient au roi ses noveles conter ;
Quant il vit Charlemaigne, sel prist à apeler :
« Sire, drois empereres, ce dist Aymes li ber,
Si sui dolens el cuer, ne me puis conforter.
En Ardane m’estut les glotons encontrer.
Là les cuidai bien prendre et à vos amener.
Asses m’i combati, ce ne vos quier celer.
Tel damage m’ont fait que ne puis recovrer.[1]
Ocis m’ont Hermenfroi qui gentils fu et ber.
Les gloutons cuidai prendre, lui l’estut comparer.
Faites me unes reliques devant vos aporter.
Sor sains vos jurerai que miols nel poi garder. »
Quant Charles l’[entendi][2], del sens cuide derver.
« Aymes, ce dist li rois, or ai bien entendu ;
- ↑ 3134 Vers emprunté à A, B, C.
- ↑ 3159 L endendi.
Jou meïsmes ai fait dont il m’estuet plourer.
Tout che m’a fait li roys qui me fist forjurer.
Mais par ichel Seignour que devons aourer,
A petit d’ocoison le ferai comparer.
Mar me courouchera, s’il ne se set garder.
Ce développement, dans sa rhétorique naïve, achève de mettre en relief le caractère d’Aymes dans cette partie du poème.
