Page:Castets - La Chanson des quatre fils Aymon, 1909.djvu/480

La bibliothèque libre.
Le texte de cette page a été corrigé et est conforme au fac-similé.
452
les quatre fils aymon

S’auront peliçons gris que nos lor bailleron
Et seront trestot .iiii. sor mules aragons.
6055Il n’i porteront arme ne espié ne blason,
Hauberc, escu ne helme por lor desfension.
A .xxx. chevaliers couduire les feron
Ou à .xx. ou à .xv., ensi con nos volrom,
Et Charles i venra à .iiii. m. barons,
6060Adobés de lor armes, sor les chevaus gascons ;
Ses en face mener à Rains ou à Soisons.
Renaus a tant en France et parens et nevous,
Ja nel lairont destruire, ençois l’en garderont.
Miols en venront à chief que nos ne feriom. »
6065Quant li rois l’entendi, si taint comme charbon,
Et dist entre ses dens coiement, sens tençon :[1]
[« Aï Renaus, fait il, com mortel traïson ! »]
« En la moie foie, sire, ce dist li dus Raimon,
Renaus vos aime plus que home de cest mont ;
6070Vos ne li querres chosse qu’il ne face à bandon. »[2]
Et li rois Yus se pasma desor le duc Raimon.
Por saint Renaut fist Dex illuec grant monstrison.[3]

  1. 6066 Sic Metz. — L omet ce que le roi Ys dit ainsi coiement. L’Arsenal et B V donnent une variante de caractère plus tendre : leçon de B :

    Ahi ! suer, douce amie, hui perdes vos amours.
    Par Diu, sire Renaut, boiserres sui por vous.
    Dame Diu en perdrai sans nul autre retour :
    Ja n’en arai acorde pour nule riens du mont.
    Pour Renaut y fist Dix grant miracle le jour, etc.

    Montpellier très différent :

    Renaut, or vos rendroi moult mauves guerredon
    De ce que me venjastes de Margot le Frison
    Qui ne m’avoit laissié fermeté ne donjon.

  2. 6070 Metz : Ne li roveres.
  3. 6072 Metz : Por Renaut i. — Montpellier dit :

    Le jour fist Dex miracle pour Renaut le baron.
    La chambre où se seoit le riche roi Yon
    Devint et ynde et blanche, vermeille tout entour.
    Tel paour ot roi Ys qu’il s’en fui à bandon.