Page:Castets - La Chanson des quatre fils Aymon, 1909.djvu/563

535

les quatre fils aymon

Que nel soi ne oï par nule an[onc]ion,^[1]
Ains en oi grant dotance [tot] por l’avision^[2]
8540Que avoie songié, et vos dis par amor^[3]
Que vos ne creïssies le rice roi Yon ;
Ja soit ore mes freres, sel mescreoie don.
Sire, ge n’i ai co[u]pes, par Deu ki fist le mont. »^[4]
Atant ceï pamée la dame de dolor ;
8545Par la main la dreça Guichars, li fix Aymon.
« Dame, ce dist Guichars, que vos [dementes] vos ?^[5]
La[i]sies dire Renaut son talent et son bon,^[6]
Que vos estes no dame et bien le connison.
Mar vos esma[i]eres tant comme nos vivons ;^[7]
8550Car se Renaus vos faut, nos vos serons baron.
Trop vos troverons vair et hermins peliçons,
Cevaus et palefrois et or fin et mangons. »
« Frere, ce dist Richars, por Deu, car l’en prions.
La dame n’i a coupes, par Deu et par ses nons.
8555Se l’euissiens creü, nos piés n’i portisson.
Ci doivent bien paroir li hermin peliçon
Et li vairs et li gris et li bon siglaton,
Li mul et li ceval dont nos a fait le don.
Ançois nos vestoit ele que Renaut, son baron.
8560Or li devons aidier, car il en est besoing. »
« Par foi, vos dites voir, dist Aallars li blons. »
Atant vont à Renaut, si l’ont mis à raison.
« Sire, dist Aallars, ne soies si iros.
N’estes pas li ainés, par mon cief, de nos tos.
8565Nos [vos] prions por Deu ki soufri pasion,^[8]
M 226Et por icel sepucre que l’on va querre loing,
Dont il resurcita au tier jor, ce savon,

1. 8538 L anvertion. M anoncion. B noncion.
2. 8539 L et B M tout.
3. 8540 M si vous dis.
4. 8543 L copes M coupes.
5. 8546 L esmaies qui est à peu près répété trois vers plus bas. B M dementes.
6. 8547 L lasies
7. 8549 L esmaeres,
8. 8565 Sic B M. L nos prions.