Page:Castets - La Chanson des quatre fils Aymon, 1909.djvu/601

La bibliothèque libre.
Le texte de cette page a été corrigé et est conforme au fac-similé.
573
les quatre fils aymon

9770Si quel verra Renaus et vo frere tot troi. »[1]
« Sire, ce dist Richars, tant iert li diols plus noirs. »[2]
« Ne me chaut, par ma foi, » ce dist Charles li rois.
Or ot Maugis oï tot quenque il queroit
Et savoit bien de fi que li rois le pandroit.
9775Ja n’iert mis en prison, tant le doute li rois.
Del tref s’en est issus belement, en recoi,
Derriere les barons, que ne le vit li rois.
Quant il vint au chemin, s’akiut .i. trotonnoi,
Ne se tenist à lui .i. mules espanois.

9780Maugis s’en ist del tref coiement, à larron ;[3]

  1. 9770 M ajoute : Et Maugis le larron que je durement hai.
  2. 9771 M li duel plus grai.
  3. 9780 B intercale ici un de ces épisodes qui caractérisent la version B C V,

    Quant or entent Maugis, le boin larron,
    Tout le devisement l’empereor Kallon.
    Que il pendroit Richart au pui de Monfaucon,
    Maugis li ot clugnié qui ot cuer de baron,
    5Qu’il lui feroit secors sans nule arrestison,
    Et Maugis s’en torna qui ot cuer de baron.
    Del tref s’en est issus, coiement, à larron ;
    Quant il va au chemin, si va .i. tel troton,
    Ne s’i tenist au cours .i. mulez arragons.
    10Le bos de la Serpente traversa à bandon
    Et acueille son oirre tout droit à Balenchon ;
    .ii. escuiers encontre dedens le bos reont,
    Homme ierent Olivier le nobile baron,
    Cascuns menoit en destre un destrier arragon ;
    15Si vienent d’abrever des guez de Balenchon.
    Quant Maugis les coisi, si drecha le menton.
    Maugis ot cheus veüs qui vienent d’abrever,
    .ii. chevaus amenoient qui moult font à loer ;
    Il issent del breulet, pres ert du trespasser ;
    20Quant Maugis les coisi, entor prist à garder,
    Mais onques ne vit homme ne venir ne aler,
    Fors que les escuiers qui vienent d’abrever.
    A haute vois et clere commencha à crier :
    A qui sont li destrier ? Gardez ne me cheler.
    25Et chil ont respondu : Bien le saurons conter.
    Il sont à Olivier qui moult fait à loer.
    Chertez, chou dist Maugis, chou me vient moult à gré,
    Plus chier ai jou le sien, je vous di sans douter,
    Que de trestous icheus qui sont delà la mer.