Page:Castets - La Chanson des quatre fils Aymon, 1909.djvu/615

La bibliothèque libre.
Le texte de cette page a été corrigé et est conforme au fac-similé.
587
les quatre fils aymon

Galiene m’amie à grant joie espouser
Quant je cuidai avoir tot mon regne aquité,
10115Dont jurerent ma mort trestot li .xii. per ;
Si me durent mordrir par .i. jor de Noël.
Dex me menda par l’angle que je alasse embler ;
Voirement i alai, ne l’ossai refuser.
Je n’oi clef ne sosclave por tresor esfondrer ;
10120Dex me tramist à moi .i. fort larron prové ;[1]
Basins avoit à nom, mena me en la ferté,
Et si entra dedans por l’avoir assembler.
Illuec oï Gerin le conseil demonstrer,
Qui le dist à sa fame coiemen, à celé.
10125Basins le me conta, quant il fu retornés.
M 267Je atendi le terme et si les pris provés,
Les coutiaus ens es manches, tranchans et afilés.
Je en fis tel justisse comme vos bien saves,
Pendre, ardoir et destruire et les membres coper.
10130Mais par cele corone qu’en mon chief doi porter,
Il n’i a nul de vos, de tos les .xii. pers,
Qui ne soit par son nom orendroit apelés.
Cil qui l’escondira, si me garisse Dés,[2]
Je le ferai ardoir et la poudre vanter ;
10135De moi ne tenra terre en trestot son aé. »
Quant François l’ont oï, molt en sunt esfraé.
Il n’i a si hardi cui n’estuece trambler ;
Dont n’i vossissent estre por l’or de .x. cités.
Estout, le fil Œdon, a Charles apelé :
10140« Venes avant, biau frere, car molt vos ai amé.[3]
De moi tenes Borgoingne et Langres ma cité ;
A .xx.m. chevaliers servisse me deves.
Ales moi Richart pendre, le fil Aymon le ber.
De fief vos en croitrai .m. chevaliers armés.[4]
10145Je vos doing en Auvergne Clarmont, ma grant cité,

  1. 10120-10121 B Dex me tramist Basin, .i. fort larron, prouvé. Chis Basin me mena en la grant fermeté.
  2. 10133-10138 Manquent à B.
  3. 10140 B amis.
  4. 10144 Manquent à B.