Et s’est mes desfensiers vers tote vilonie ;
Comment que li [plais] prenge, je nen rendroie mie.
Se teniez mes freres en vo tante serie
Et les volsissies pendre ençois l’aube esclarie,
Se n’aviez Maugis en la vostre baillie,
Et je l’eüsse o moi en la moie partie,
Si m’aït Dex de glorie, vos nen averiez mie ;
En sor que tot, par Deu ki tot a en baillie,
Je ne sai où il est, par Deu le fil Marie.
Anuit s’en est fuïz, ne sai an quel partie. »
« Ha ! Dex, dit Charlemaignes, li toens cors le maldie.
Il est ici o nos, mes nos nel veons mie. »
« Non est voir, dist Renaus, jusqu’à liue et demie.
Rollant, ce dit Renaus à la ciere hardie,
Et car proies vostre oncle par vostre cortoisie,
Qu’il ait merci de moi et de ma compaignie.
Si soit faite la pais et la guerre fenie. »
Naymes fu à genolz qui a oï le conte ;
Son capel a osté ki le cief li sormonte,
Puis parla hautement que la volte en resone :
« Sire, drois emperere, por Deu, ne nos fas honte.
Je sui pleges Renaut et Oliviers li contes
Et Ogiers et Rollans, trestuit .iiii. par conte,
Qui [sauront] jugement ne la parole espondre.[1]
Si prenez jor d’acorde, ainz que li mals plus monte. »
Quant François ont oï eissi parler le conte,
Il escrient en haut ensamble, à une monte :
« Bon rois, Naymes dit voir, creez ce qu’il vos conte ;
Si en soit jugemens, soit de roi ou de conte. »
Molt fu Charles irés, ne volt croire consel ;[2]
Il jure [Dame] Deu à cui il est feoil,[3]
Ja Renaus n’aura pes par nesun aparoil,[4]
- ↑ 12861 L saura.
- ↑ 12867 L’on a consoil v 12873.
- ↑ 12868 L jure Deu. M saint Denis
- ↑ 12339 L li pais prenge je nen. M plet.
rendre Maugis qui est notre vie, notre secours, notre espérance en tous lieux, notre écu, notre lance, notre épée, notre pain, notre vin, notre chair, et aussi notre refuge, notre maître, notre guide et notre défense ?
