« Sire, ce dist Renaus, encor merci criom.
Por icel Diex de gloire qui vint à passion,
Pardones nos vostre ire, si feres ke frans hom,
Au los de vostre [cort] cui nos amenderon ;[1]
Si vos donrai Baiart, mon [destrier] arragon. »[2]
« Tais toi, dist Charlemaignes, fils à putain, garçon ;
Ja nus ne te garra que nos ne [t’]ocison. »[3]
Sire, ce dist Renaus, et nos nos garderon.
Si vos di loiaument, par Dex qui fist le mont,
Jamais jor de nos vies ne vos en proieron,[4]
Mais an trestos endrois, ce vos di, vos nuiron. »[5]
« Renaus, ce dist li rois, miels ne vos demandon. »
Quant Renaus ot le roi, n’ot cure de la pais,
Adonc hurta Baiart qui [li] corrut d’eslais,[6]
Et esloina l’espié qui ne fu pas malvais.
Droit devant l’emperere a [il] ocis Hervais ;[7]
Adonc torna ariere, quant corru ot ades.
« Charles, je vos desfi, à moi n’aureis mais pais. »
Errament s’en partit, que n’i a fait relais.[8]
Et Charles s’escria, quanqu’il pot, à un fes :
« Baron, or tost à lui, il par est trop porvers. »[9]
Adonc hurta Rollans, li fors contes palais ;
Quant Ogiers l’a veü, si fu vers lui irés ;
Donc hurta Broiefort, si li cort en travers ;
Rollans traist Durendart au passer d’un mares,[10]
Et Renauz s’en ala, tot poignant, à eslais.
Renauz vint à ses homes, tot à force poignant,
- ↑ 14045 L manque cort. Michelant : cort tuit vos. M cort tout.
- ↑ 14046 L desfort. M destrier.
- ↑ 14048 L ne ocison. M ne t’ochion.
- ↑ 14051 Ici reprend le texte de A : Jamais jor de no vie ne vous en prierons.
- ↑ 14052 A toz diz mais vous nuirons. M trestous jors vous nuiron.
- ↑ 14055 Sic M. L le.
- ↑ 14057 L ai. A Gervais. M avoit ochis Gerves.
- ↑ 14060 L On lit plutôt parut. M Puis s’en parti atant.
- ↑ 14062 Michelant imprime porves, mais l’abréviation est la même que pour travers, v. 14065.
- ↑ 14066 A adoucit : Rolans mist longuement à passer. M manquent 14064-14066.
