Page:Castets - La Chanson des quatre fils Aymon, 1909.djvu/809

La bibliothèque libre.
Le texte de cette page a été corrigé et est conforme au fac-similé.
781
les quatre fils aymon

Cheval li ont doné et autre escu et lance.

15515Li amiraus monta, qu[i] qu’an doi[e] desplaire.[1]
Et li prince l’enmainent, qui li ont fait [contraire.][2]
Renaus fu à sa tente, li bo[n]s dus debonaire,[3]
Et a dit à Maugis : « Quele la porra[i] faire ?[4]
Se [j’eüsse] mes armes, par cel qui tot esclaire,[5]
15520Ge alasse en l’estor, car molt me porroit plaire. »
« Sire, ce dist Maugis, [bien vos en poez taire].[6]
Tant estes descharnés, n’avez vaine ne pere.
Reposes vos huimais, por lo cors saint Ylaire ;
Lo matinet istron por autre çambel faire,
M 408 15525Donc serons plus legier, si vos i porroit plaire. »

« Sire, ce dist Maugis, oies que vos dirai.
Lo matinet istron ; [ne soies en esmai ;][7]
Dont ires en l’estor ; aveuc vos en irai.
Bien vos di loaument, ja ne vos mentirai,
15530Tant com ge o vos soie, hermites ne serai ;
Mais de tot mon pooir si bien vos aiderai,
Com ge porrai soffrir, que ge ne me faindrai.
Mais sachiez bien de voir, et si lo vos tendrai,
Par art ne par boidie jamais jor [n’ovrerai],[8]
15535Car à Dex nostre sire grant piecha voé l’ai.
Et ge pri lo seignor qui l’erbe fist en Mai,
Mon vou me doint gardeir don ge grant desir ai
Et si vos ain ge tant que, se avoié l’ai,[9]

  1. 15515 L que qu’an doi. A cui qui doie.
  2. 15516 L nuissance, répété de 15513. A qui li font grant contraire.
  3. 15517 L bos.
  4. 15518 L porra. A Cosins, que porronz.
  5. 15519 L Se je eusse. A Se j’eüsse.
  6. 15521 L répète : ice me porroit plaire. Je suis A. Michelant : iço ne poes faire.
  7. 15527 L car bien dire oï l’ai. Ceci annonçait un proverbe. Il avait commencé par écrire por au, mais il l’a effacé. Je suis Michelant, mais je ne trouve pas ce vers dans ma copie de A. La correction, malgré sa note, est prise de B qui ici se rapproche un peu de L.
  8. 15534 L Michelant : Jamais jor ne n’aurai. Le sens ne satisfait pas, d’ ma conjecture.
  9. 15538 Michelant : aim.