❦
9Les pastoureaulx sur la couldrette
Avecq troupeaulx faisoyent sejour,
Lesquelz ouyrent en ce jour 35
Une chanson grave et honneste :
❦
10« La gloire au ciel et paix en terre
« Et aux hommes de volunté,
« Qui n’ont cure de volupté
« Ne de mouvoir contre nul guerre ! » 40
❦
11Iceulx pasteurs, sans plus attendre,
Laissérent lors leurs brebis tous,
Et en la ville ont pris le cours
Pour plus avant du faict enquerre.
❦
12Trois nobles roys par une estoille 45
Furent conduyctz sans fiction
Devers la fille de Syon,
Royne des cieulx sans sa pareille.
❦
13Chascun d’eulx trois lors luy donnérent
Tresor fort digne et precieulx, 50
Puis, congié pris du roy des cieulx,
En leur pays tous retournérent.