<poem style="margin-left:6em; font-size:100%"> Raison, de Secret tresoriere, La tance, quant despent langaige Hors du propos; si baille gaigel CHANSON LXXXVII. Au besoing congnoist on l’amy Qui loyaument aidier désire. Pour vous je puis bien cecy dire , Car vous ne m’avez pas failly. Mais avez, la vostre mercy, Tant fait qu’il me doit souffire. Au besoing congnoist on l’amy Qui loyaument aidier désire. Bien brief pense partir de cy Pour m’en aler vers vous de tire; I.oisir n’ay pas de vous escrire, Et pource, plus avant ne dy ; Au besoing congnoist on l’amy. CHANSON LXXXVIII. O trcsdevotes créatures , En ypocrisies d’amours Que vous querez d’estranges tours Pour venir à voz aventures ! Vous cuidez bien par voz paintures Faire sotz, aveugles et sours, O tresdevotes créatures. En ypocrisies d’amours. On ne peut desservir deux cures, Ne prendre gaiges en deux cours ;
