<poem style="margin-left:8em; font-size:100%"> Mainteffbiz, et plaisans acueulx, Que voulez vous que plus vous die! Jeunes assotez amoureux I Mais au derrain, Merencolie De ses huis fait passer les seulx, En deuil et soussy, Dieu scct quieulx! Lors ne chault de mort ou de vie, Que voulez vous que plus vous die?
RONDEAU CXVIII. Mais que vostre cueur soit mien, Ne doit le mien estre vostre? — Ouil, certes, plus que sien. — Que vous en semble? dy je bieni — Vray comme la Patenostre, Mais que vostre cueur soit mien. Content et joyeulx m’en tien, Foy que doy saint Pol l’Apostre, îe ne désire autre rien, Mais que vostre cueur soit mien.
RONDEAU CXIX. A ce jour de saint Valentin, Que prendray je? per, ou non per? D’Amours ne quiers riens demander, Piecà j’eus ma part du butin. Veu que plus resveille matin Ne vueil avoir, mais reposer, A ce jour de saint Valentin,
