Pitié se tient close et couverte,
Et ne veut force ne contraintes,
Ne ja sa porte n’est ouverte,
Fors par soupirs et longues plaintes,
Attendre faut des heures maintes.
Mais l’attente bien se recouvre :
Car toutes douleurs sont estaintes
Aussitost que la porte s’ouvre.
S’el ne gardoit sa seigneurie,
Chacun lui seroit ennuyeux
Et sa bonté seroit perie,
Car elle auroit trop d’ennuyeux.
Pour ce, son plaisir gracieux
N^ouvre pas à toutes requestes,
Non plus qu’un joyau précieux
Qui n’est montré qu’aux grandes festes.
Se j’osoye dire ou songier
Qu’oncques Dame fut despiteuse,
Je seroie faux mensongier,
Et ma parolle injurieuse,
Jamais de Dame gracieuse
N’ait-il ne merci ne respit,
Qui dit de voix presumptueuse
Qu’en Dame est dangier ne despit.
Page:Chartier - La Belle Dame sans merci, 1901, éd. Charpennes.djvu/100
Le texte de cette page a été corrigé et est conforme au fac-similé.
