Jonvelle nous affermarent et disrent que en plusieurs et divers lieux ilz avoient affaire desdictes lectres et leur en ayder en maintes causes ; esquets lieux icelles ne pourroient bonnement souffire, vehues les distances d’iceulx, et pour ce nous ont requis à grande instance ung transumpt ou plusieurs leur estre concédez et faire, soubz le seel de la prévostey de Langres, et y mectre nostre auctorité et décret avec nostre propre seel en contre-seel, afin que plénière foy soit audit transumpt adjoustée comme aux propres lectres originaulx ; laquelle chose nous leur avons concédé et ouctroyé estre faictes ; et en ce avons mis et mectons à ces présentes nostre auctorité et décret.
En tesmoignaige de ce nous avons mis et mectons le seel de la prévostey de Langres, ensemble nostre propre seel en contre-seel à ces présentes lectres de transumpt, que furent faictes et données audit Langres, l’an et jour dessus dit (1er novembre 1402). Ainsi signé : JO. DE MANDRES.
Collation faicte par nous notaires et tabellions soubscriptz à l’original, le xxviij jour du mois de juing mil cinq cens et douze.
Ainsi signé : MATHIEU ET P. BUNLOTI.
(Archives du Doubs, chambre des comptes, J, 6, fol. 22-25.)
L’approbation du roi de France fut donnée en août 1354, V. Trésor des chartes, registre 82, n° 338 ; Ordonnances des rois de France, IV, 292-302. Là se trouvent relatées in extenso les franchises de Jonvelle, avec leur véritable date, qui est le 27 avril 1354, mais avec un texte encore plus incorrect que celui des archives de notre province.
1383. Sentence de Jean Darbo, gouverneur de Jonvelle, en faveur de Clairefontaine.
Jean Darbo, gouverneur de Jonvelle pour noble et puissant seigneur messire Guy de la Trémouille, seigneur de Jonvelle et de Chastelguillon, fesont savoir à touz que Edme-Vincent Bodenot, procureur de mondit seigneur, pourseguet frère Guy, abbey de Clairefontaine
