Ces fondemens establis, il est fort aisé de former le corps, en son Chef & en ses membres, en sa police & en ses emplois.
Monsieur le Curé en est le chef, nay & estably de Dieu en l’ordre de l’Eglise.
L’on choisit ordinairement deux de la Compagnie pendant six mois ou vn an pour estre Conseillers de l’Assemblée, afin de tenir la parole en l’absence ou empeschement du Pasteur, & veiller concurremment auec luy à la conduite de la Compagnie.
Et vn autre pendant le mesme temps pour estre Secretaire de la Compagnie, pour tenir le registre des deliberations, garder le coffret ou bourse commune de ses charitez, & dépenser suiuant ses ordres.
Les Assemblées se tiennent de quinze jours en quinze jours chez Monsieur le Curé le Dimanche aprés Vespres, pour y deliberer des besoins de la Parroisse, soit sur propositions verballes ou billets de Charité qui sont à faire, sur lesquels
