Cette page n’a pas encore été corrigée
INSTRVCTION POVR
la visite des Cantons des Parroisses.
La fin principale de ceux qui sont preposez pour auoir soing des Cantons, est pour soulager Monsieur le Curé dans les grands soings qu’il doit auoir en toute l’estenduë de sa Parroisse.
Et comme ils ont la mission dans cét employ, ils y doiuent agir en confiance, & trauailler en simplicité, laissans le succez à l’ordre de la Prouidence.
Le moyen pour paruenir à cette fin est de decouurir le mal & de recognoistre le bien, qui est à faire dans les Cantons, dont ils ont pris le soing, pour en faire rapport à l’Assemblée de la Parroisse, afin d’y estre pourueu.
Le mal est general ou particulier, le general est tout ce qui regarde la Religion, ou les mœurs.
La Religion, comme les blasphemes
