Le texte de cette page a été corrigé et est conforme au fac-similé.
Mais on fait maint mauvais raport,
Disant qu’au port[1]
De toy a doulereux aport.[2]
Et dont pluseurs se duellent,
Et que moult pou y a déport
Quoy qu’on s’i port[3]
Gaiement, et qu’en gré le port
Cellui ou ceulx qui te veulent.[4]
Et que mieulx vault qu’on se déport
De ton aport,[5]
Que tel faissel on s’en emport,[6]
Et qu’a ton molin meulent
Paille sanz grain ceulz qui ton port
Suivent, déport
N’ont de toy ne qui les raport
A bien, ains périr suellent.
Si est trop mau dit,
Car pour voir je tien
Que, sanz contredit,
Quant l’en devient tien
- ↑ 110 A2 De ton fait en d. q. p.
- ↑ — 111 A1 douloureux
- ↑ — 114 à 124 A2 :
Cil qui aime s’il n’a le port
De toy et d’espoir qui le port,
Dont mains amans mieulx veulent
Que la mort briefment les emport
Que le mal qu’il fault que l’en port
Par toy, et qui n’ont pas raport
De douleur tous ceulx qui te veulent. - ↑ — 116 Sic dans tous les mss. Corr. Cil — B1 qui ce v.
- ↑ — 118 B1 De t. emport
- ↑ — 119 B1 ou on e.
