Page:De Pisan - Œuvres poétiques, tome 1.djvu/219

Or m’ottroiez ce que je quier,
Et pour faire mes maulz tarir,
Doulce dame, je vous requier.

Et se vers vous tel grace acquier
Je penseray du remerir,
Et pour mes pesances garir,
Doulce dame, je vous requier.

XL

Se m’amour voulsisse ottroier
Ja pieça m’a esté requise,
Mais j’ay ailleurs m’entente mise

On vendroit trop tart au proier,
Et pour tant bien je vous avise^[1]
Se m’amour voulsisse ottroier.

Car maint dient que par loier
La devroient avoir acquise,
Si fusse ailleurs pieça assise,^[2]
Se m’amour voulsisse ottroier.

XLI

De tel dueil m’avez rempli,
Dame, par vostre reffus^[3]
Qu’oncques plus dolent ne fus.^[4]

1. XL. — 5 B Sire et p. t. je v. a.
2. — 9 B Si l’aroye ja a. a.
3. XLI. — 2 B D. pour v.
4. — 3 B Q. si d.