ny des formes naturelles, ny des qualitez naturelles quelles qu'elles soient. Il ne faut donc pas soubs le voile de nature couurir les sorceleries, vanitez, and superstitions Payennes des Idolatres, and Sorciers: cõme plusieurs Sorciers, qui faisoient anciennement croire que les Sorceleries n'estoient que la force des plantes, des animaux, des pierres, des mineraux, and des corps celestes: comme les Arabes ont voulu faire croire, pour faire estimer leur science, and faire eschaper les Sorciers: and de ceste opinion est Auicenne, Algazel, Alpharabius, and Agrippa de nostre aage, and Pomponatius and Pierre de Abano and vn Suisse, qui s'est fait surnommer Theophraste Paracelse des plus dangereux Sorciers de tous, comme il s'est cognu par ses effects, and par ses escrits, qui estoit aussi vne opinion, qui eut quelque temps son cours, ainsi qu'on peut veoir en Pline liure XXVI. chap. IIII. que l'herbe Ethiopide faict seicher les estangs, and riuieres, faist ouurir toutes choses fermees: and l'herbe Achimenide iettee au camp des ennemis, les faict trembler de peur and fuir: and l'herbe Latace, que les Roys de Perse bailloient à leurs Ambassadeurs, faisoit venir abondãce de toutes choses: c'est à sçauoir, les lettres patentes du Roy de Perse, qui faisoit trembler tous les peuples. Nous ferons mesme iugement de ce que dict Pline de la Veruaine, que les Grecs appellent herbe sacree, que les Magiciens disent guarir toutes fieures, and toutes soiees de maládies, and donner l'amitié de toutes personnes. Mais l'autheur Pline s'en mocque, and tous les Medecins, qui ont trouuépar longues experiences qu'elle ne peut rien Page 133
