des causes naturelles. Il y a d'autres predictions humaines, and toutesfois illicites, d'autant qu'elles attirent apres soy vne superstitieuse creãce, and crainte des choses vaines, and par consequent vne defiãce de Dieu. Car il faut tenir pour maxime indubitable, que celuy qui craint, ou qui croit les predictions superstitieuses, a tousiours defiance de la puissance de Dieu, comme ancienneme (02) t celuy, qui en sortant de sa maison chopoit du pied contre l'esueil, tiroit vn presage de malheur, comme ils disent qu'il aduint à Brutus le iour qu'il tua Cæsar: ou si l'anneau tombe, quand le mary le met au dõigt de sa fiancee. Et en cas semblable les anciens auoient vne coniecture, qu'ils appelloient Palmirum augurium, quand vn membre tressailloit, chose qui est naturelle, and qui a ses causes naturelles auec soy. Et ordinairement le malheur aduient à celuy qui croid telles choses, par vne iuste vengeance de Dieu, and iamais à celuy qui s'en mocque. C'est pourquoy Cesar ne fist iamais conte de telles vanitez, and tout luy succeda contre les presages des Deuins, and mesmes en descendant du nauire en Affrique, il tomba, and alors il dist, Ie te tiens Affrique. Ces beguins auguraux disoient que c'estoit vn mauuais presage, and neantmoins il rapporta trois belles victories, and defeist tous ses ennemis peu de iours apres: Et sine voulut oncques s'enquerir de l'issue de la bataille de Pharsalie, où il emporta la victoire contre Pompee, qui auoit deux fois plus de forces, lequel employa tous les Deuins and Magiciens, deuant que de batailler. I'ay remarqué plusieurs Princes, qui tous ont esté ruinez, Page 139
