Des moyens illicites pour paruenir à quelque chose. CHAP. VI. Novs auons dict que le Sorcier est celuy, qui par moyens diab oliques and illicites, sciemment s'efforce de paruenir à quelque chose: il faut dõc sçauoir qui sont les moye (02) s illicites. Nous auons monstré les moyens de paruenir à ce que nous pretendons par l'ayde de Dieu, si c'est chose licite ou par les moyens que Dieu nous monstre en ses creatures, and par la suitte des causes naturelles, and des effects enchesnez les vns auec les autres, ou par la volonté de l'homme, qui est libre. Or quand les hommes veulent paruenir à quelque chose licite, and que la nature leur manque, la puissance humaine n'y peut rie (02) : and qu'ils ne s'adressent point à Dieu, qui peut tout, ou bien qu'ils s'y addressent, mais de mauuaise façon pour le tenter: ou bien que c'est de bõ cueur: mais l'ayant delaissé en prosperité, ils sont delaissez en temps d'affliction: comme il est dict en Hieremie: Si Moyse and Samuel me prioient pour vous à ceste heure, ie ne les escouterois pas. Ils estoient morts plusieurs siecles auparauant, and auoient de coustume tant qu'ils viuoie (02) t en ce monde d'appaiser l'ire de Dieu par leurs prieres enquoy il semble que Moyse and Samuel ne prioient plus. Et en autre lieu il dict au Prophete, Ne prie point pour ce peuple1 en bien, car ny pour leurs ieusnes, ny pour leurs prieres and sacrifices, ie ne les escouteray point, mais ie les consommeray de peste and de famine. -notes- 1Hier.14. Page 141
