Or ils deuoient neantmoins rompre le ciel de prieres, and continuer en la fiance de Dieu, qui menace fort, and neantmoins il s'appaise soudain, comme dict Ionas, auquel Dieu auoit promis raser la ville de Babylone dedans quarante iours, le peuple ayãt fait grãde penitence, ores qu'il adorast lescreatures, comme le Soleil and la Lune, and qu'il fust fondu en toutes sortes d'idolatries and Sorceleries, si est-ce que Dieu se repe (02) tit aussi: Alors Ionas fasché faisoit sa plainte à Dieu, 2 Ne sçaurois-ie pas dict-il, que tu es le Dieu le plus doux, and le plus misericordieux, and piroyable, qu'il est possible: and que soudain tu te repens de la vengeãce que tu as deliberé de faire. Or celuy qui est impatie (02) t se desespere, and appelle le diable à son aide: Comme on void le Roy Saul, apres auoir demãdé conseil à Dieu, quelle issue il auroit contre ses ennemis, and aux Prophetes, and aux Pontifes, and qu'il n'auoit aucune response de la bataille, il s'addressa à vne Sorciere, pour sçauoir l'issue de ses affaires. Les autres pour trouuer des tresors: qui pour guerir de sa maladie: qui pour iouyr de ses plaisirs, les vns pour paruenir aux hõneurs and dignitez, les autres pour sçauoir les choses futures ou absentes, and les plus meschans pour se venger de leurs ennemis appelle (02) t aussi le Diable, qui ne respõd pas tousiours quãd on l'appelle, and se faict prier bien souue (02) t, encores qu'il soit present, and prez de celuy qui le cherche, and de celuy qui ne le cherche pas, comme nous dirons en son lieu. Or entre tous les Sorciers ceux-là sont les plus detestables qui renoncent à Dieu and s'addressent au Diable, and luy iurent prester toute obeislance, seruice, sugection -notes- 2Ionas c.4. Page 142
