and adoration, par conuention expresse. Mais il y en a qui ont horreur de s'addresler à Sathan pour fçauoir ce qu'ils demandent, toutesfois ils ne font point difficulté de s'adresser aux Sorciers, sans assister a leurs sacrifices, qui n'est gueres moins offenser Dieu,2 que s'addreesser à diable mesme: comme il y en a au cas pareil qui ne voudroient pas s'addresser à Sathan, pour auoir guarison d'vne maladie, mais ils ne font pas conscience de s'addresser aux Sorciers, qui prient le diable en leur presence, pour leur donner guarison: comme il aduint n'a pas long temps en Vau, qui est vn faux-bourg de la ville de Laon, où il y eut vne Sorciere qui osta le sort à vne pauure femme en extremité de maladie: laquelle Sorciere se mist à genoux, and face contre terre, pria tout haut, appellant le diable plusieurs fois, pour donner guarison à la femme, puis apres elle dist quelques paroles, and luy bailla vn morceau de pain à manger à la femme, qui fut guarie. Qui n'est pas moins que si la femme malade eust elle mesme prie Sathã pour auoir guerison: and vaudroit mieux mourir de la plus cruelle mort qu'on pourroit imaginer, que de guerir en ceste sorte. Il y en a d'autres qui ne veulent auoir aucune accointance au diable, ny aux Sorciers, mais ils vsent des moyens diaboliques executez par les Sorciers, à l'aide du Diable, lequel assiste tousiours ceux qui vsent de tels moyens, and cõduit leurs desseings. Or cela s'appelle traicter conuention tacite auec Sathan, suyuant la definition de sainct Augustin, pour la difference qu'il y a de la conuention expresse. Et non seulement sainct Augustin, ains aussi -notes- 2Leui.19. and 21. and Deut. 18. Page 143
