les corps: mais il faut encores condamner pour impieté detestable, que chacune Estoille a vn mauuais Demon, jaçoit que le Philosophe Aphrodisee a reietté cest erreur, comme aussi ont faict Porphyre, Procle, Iamblique. Et pour ceste cause Virgile introduict Iuno qui defend à Alecto de voler au Ciel. Mais les vns du meilleur sons qu'ils eussent, ieunoient, and sacrifioie (02) t aux bons Demons, and autres petits Dieux, and demy Dieux, meslant parmy Hercules, Bacchus, Apollon, Æsculape, Abraham, Orphee, Iesus-Christ, comme Alexandre Seuere, ainsi que nous lisons en Spartian. C'est pourquoy Dieu en sa loy tant de fois a repeté qu'il ne failloit seruir, ny adorer autre Dieu que luy. Car le mot Hebrieu Thistaneh, qui est au Decalogue, and le Caldean Tisgur, qui est tout vn, ne signifie autre chose que s'encliner, que les Latins disent adorer. Galli, dict Pline, adorando dexteram adosculum referunt, totúmque corpus circumagunt, quod in læuum fecisse religiosius esse putant. C'est à dire, que les François tournent le corps en faisant la reuerence ou adorant and baisant la main dextre, and pensent que c'est vn mauuais presage de se tourner à gauche. Or Dieu preuoyant que les Payens s'adressoroient premierement aux Estoilles and planertes, and antres creatures, il le defend bien expressement sur la vie: Et qui plus est, il defend4 de faire degrez à son autel, poury monter, à fin qu'on allast droict à luy, and non pas par les degrez que les Platoniciens, Pythagoriens, and autres Payens suiuoyent. Et faict bien à noter que le commandement de ne faire degrez pour aller à l'Autel -notes- 4Exod.20.c. Page 165
