Moron depuis qu'il fut Cancelier de Milan, auoit vn anneau parlant, ou plustost vn Diable, qui en fin paya son maistre, and le feist chasser de son estat. Toutesfois il y en a, qui appellent ceste sorte Hydromantie4, and disent que la Dactyliomantie, s'entend des anneaux où les Sorciers portent les esprits, qu'ils appellent familiers, que les Grecs appellent [Greek omitted]. Ceste maniere de Sorcelerie est des plus anciennes: car nous lisons que Excestus tyran des Phocenses auoit deux anneaux qui par collision de l'vn à l'autre, luy predisoyent l'aduenir, and qu'il seroit cruellement tué comme il futicar c'est ainsi que Sathan, paye ses bons sujets, and quant à l'Hydromantie, and Pegomantie 5, qui se practique és Fontaines, on tient que Numa Pompilius en vsoit. Mais Varron l'entend autrement quand il dict que vn ieune enfant apparceut vne image en l'eau (estant employé par les Sorciers) qui prononça cinquante vers de toute la guerre Mithridatique, auparauant qu'elle aduint. Aussi peut on doubter, quelle estoit l'Aëromantie9, si ce n'estoit partie de la science Augurale, qui deuinoit par la disposition de l'air. Quant à celle qu'on disoit Alphitomantie 7, ou Aleuromantie8, c'estoit aussi vne sorte de diuination par farine, de la quelle parle Iamblique9: mais il ne dict point comment. Il parle aussi de Lithomantie 0, par pierres, qu'il n'exphque point: mais ie l'ay touché cy dessus, interpretant le passage de la loy de Dieu, qui defend d'adorer la pierre d'imagination: où il semble que c'estoit vne pierre exactement polie en forme de miroüer, pour imaginer, and deuiner. -notes- 4[Greek omitted] ex aquis. 5[Greek omitted] ex fontibus. 9[Greek omitted] 7[Greek omitted] 8[Greek omitted] 9Lib 3. ca. 12. 0[Greek omitted] ex lapide. Page 171
