Mais bien pourroit on aussi appeller la diuination, qu'on cherche par la pierre, en portant l'Amatheiste au doigt, qui s'appelle [Hebrew omitted] en Hebrieu, and Arabesque, pour la proprieté naturelle qu'elle a de faire songer, car l'article [Hebrew omitted], est Arabesque, le reste de la diction Hebraique signifie Songe. Autant peut on dire de la diuination du Laurier, qu'on appelle Daphnomantie2 qui est la plante dediee anciennement à Apollo, pour l'opinion qu'on a qu'elle faict songer, and qui a grande force en Magie comme disoit Procle Academicien. I'accorde bien qu'il faict songer, comme aussi faict toute plante odoriferante, and toutes fumees: mais ie tiens que c'est chose illicite, and diabolique d'en vser, pour sçauoir la verité des choses: car c'est auoir recours à la creature, and laisser le Createur en termes de diuination: ce qui est defendu estrorctement. Nous ferons mesme iugement de la Cephaleonomantie,3 qui est la diuination par la teste d'vn Asne. Ie n'ay point leu comment cela se faisoit: mais ie croy qu'elle estoit venue des Ægyptiens. Car nous lisons en Ioseph contre Appion le Grãmairien ambassadeur vers l'Empereur Caligula, qu'il calomnie les Iuifs d'auoir eu au temple de Dieu vne teste d'Asne. Quant à la Pyromantie,4 and Capnomantie, qui estoit la diuination, qu'on prenoit par feu, and par fumees de certaines semences, elle est plus diabolique que les precedentes: Car elle tire apres soy vne parfumigation and encensement, pour donner le suget, and corps au malin esprit, and de celle-cy plusieurs ignorans sont pippez par les Sorciers, qui disent que ce n'est que Magie blanche. Il -notes- 2[Greek omitted] à lauro. 3[Greek omitted] Ex. Asini capite. 4[Greek omitted] fumees. Page 172
